- Este evento ha pasado.
15 de Marzo – Santiago – Obradoiro: «A influencia das túas experiencias pasadas na relación co teu/túa fillo/a adoptado/a» 2/3
15 marzo, 2018 @ 17:00 - 19:00
Continuamos cas actividades do «PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS» en Santiago ca segunda sesión do obradoiro a cargo de Nuria Lago, sicóloga de Paradoxo, sobre:
– A influencia das túas experiencias pasadas, na relación co teu/túa fillo/a adoptado/a 2/3
- Cales son as nosa cualidades como nais e pais?
- Cales son as situación nas que me sinto máis incómodo ou seguro ca miña filla ou fillo?
- Algún tema ou vivencia pasada miña está a interferir na nosa relación actual?
- Poden as nosas experiencias pasadas negativas ou traumáticas, se non están totalmente elaboradas, influir e condicionar a relación e o vínculo cas nosas fillas e fillos?
- Neste obradoiro tentaremos buscarlle respostas a estas inquedanzas.
DATA: 15/03/18
HORA: 17:00 – 19:00
LUGAR: CASA DAS ASOCIACIÓNS DE BENESTAR SOCIAL. Rúa Manuel María, nº 6
Coma sempre podedes convidar a quen queirades.
ESPERÁMOSVOS!!!!
Ese mesmo día tamén ofrecemos un espazo de información e acompañamento onde calquera familia, independentemente do momento do proceso no que se atope, poderá facer calquera consulta ou resolver calquera dúbida. O horario de atención é de 11:00 a 14:00 e de 16:00 a 20:00 horas. Precísase solicitar cita previa en manaia@manaia.es ou no 665 992 687.
Lembrade que todos os 2º xoves de cada mes estaremos en Vigo.
Actividades de balde abertas a todas as familias adoptivas ou en espera de adopción, sexan ou non socias de MANAIA.
NURIA LAGO
Nuria Lago Fernández é Psicóloga, Terapeuta Familiar Sistémica e Postgraduada en Acollemento, Adopción e Postadopción pola Universidade de Barcelona en convenio coa Universidade Ramón Llull.
A súa labor profesional como co-directora en Paradoxo comezou no ano 2007, sendo a súa experiencia laboral previa, como psicóloga, nunha ECAI (Empresa Colaboradora de Adopción Internacional).
Ademais da terapia e a reeducación escolar, no seu centro desenvolven charlas, cursos, obradoiros e demais accións formativas no eido da adopción, así coma noutros eidos vencellados á psicoloxía, tanto para organismos públicos, como privados e asociacións.
En Xaneiro de 2008, imparten o seu primeiro obradoiro de adopción para a asociación Manaia coa que levan colaborando dende entón na formación de familias adoptivas. Nesa mesma época, Paradoxo comezou a realizar unha labor de asesoramento e psicoterapia con familias adoptivas, que continua na actualidade.