Cargando Eventos

« Todos los Eventos

  • Este evento ha pasado.

16 de Junio – Pontevedra – Estrea do documental Desamparados

16 junio, 2018 @ 11:00 - 17:00

Coa fin de presentar a nosa nova andadura coma asociación de familias adoptivas e acolledoras facémosvos chegar a información sobre esta actividade que terá lugar no Teatro Principal de Pontevedra o vindeiro sábado 16 de xuño, onde disfrutaremos da estrea en Galicia do documental:

DESAMPARADOS, de María Cuenca

Que pasaría se foses un neno e os teus pais ou familia non puidesen facerse cargo de ti? En España hai 35.000 nenos en situación de desamparo e moitos outros en situación de risco. Miguel e Ulises acompáñannos nunha viaxe guiada polos seus recordos e emocións, cunha xenerosidade infinita descóbrennos en primeira persoa como é vivir dentro do sistema de protección ao menor e a vida tan diferente que lles tocou vivir tras a decisión de alguén que cambiou a vida dun deles. As luces e as sombras do sistema onde protexemos aos nosos nenos, contados tamén polos profesionais que guían ese camiño un pouco máis dificultoso a través da infancia.

PRESENTACIÓN DE MANAIA, ASOCIACIÓN GALEGA DE ADOPCIÓN E ACOLLEMENTO

  • 11:00 a 11:30 Teatro Principal

PRESENTACIÓN E PROXECCIÓN DE “DESAMPARADOS”

  • 11:30 a 12:45 Teatro Principal

Con María Cuenca, Directora

COLOQUIO

  • 12:45 a 14:00 Teatro Principal

Ca presenza da María Cuenca, directora, e Miguel, protagonista, acompañado da súa familia

XANTAR/PICNIC

  • 14:00 en adiante. Sala Valdecorvos da Casazul

Onde compartiremos os alimentos que cada quen teña a ben levar (tendes que traer todo: o xantar, a bebida, a menaxe e, se vos presta, o café).

Contaremos con ludoteca

Actividade de balde aberta a todas as familias, sexan ou non socias de MANAIA.

SOBRE A AUTORA

María Cuenca xorde da converxencia entre a cooperación ao desenvolvemento, os estudos de comunicación audiovisual e as súas experiencias como enfermeira itinerante. Fascinada polo desenvolvemento na infancia, o cinema e as emocións humanas comezou esta película en 2015, e aos poucos o documental empezou a ter vida propia. É a súa primeira longametraxe, tras unha curta documental rodada en Etiopía que lle valeu unha matricula de honra no seu proxecto de fin de carreira e diferentes experiencias no sector audiovisual, do máis variadas.

 

ESPERÁMOSVOS!!!

Detalles

Fecha:
16 junio, 2018
Hora:
11:00 - 17:00
Etiquetas del Evento:
,

Local

Teatro Principal de Pontevedra
Rúa Paio Gómez Charino, 6
Pontevedra, Pontevedra 36002 Spain
+ Google Map
Teléfono:
986 83 30 61
Web:
http://www.pazodacultura.org/gl-ES/teatro/informacion-xeral.aspx

Organizador

Manaia – Asociación Galega de Axuda á Adopción