- Este evento ha pasado.
5 de Outubro – Pontevedra – Obradoiro «Como achegarse e educar ao teu fillo/a adoptado/a» (2 de 3)
5 octubre, 2017 @ 17:30 - 19:30
Continuamos cas actividades do «PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS» en Pontevedra ca segunda parte, de tres, do obradoiro a cargo de Magdalena Otero, sicóloga de Paradoxo, sobre:
– Como achegarse e educar ao teu fillo/a adoptado/a
Ao longo de este obradoiro de dúas horas, levaranse a cabo diferentes dinámicas que permitirán aos asistentes adquirir certos coñecementos e habilidades sobre a adolescencia dos adoptados e diferentes ferramentas que lles permitan traballar cos seus fillos/as dende a proximidade afectiva. Os aspectos a tratar serán os seguintes:
• Fitos característicos da adolescencia e da adolescencia do adoptado.
• Funcións dos pais e nais dos adoptados adolescentes.
• Estratexias e ferramentas útiles para a educación dos fillos adolescentes.
DATA: 05/10/17
HORA: 17:30 – 19:30
LUGAR: Casazul: Sala Valdecorvos. Andar 2. Rúa de Sor Lucía, 2. Pontevedra
Coma sempre podedes convidar a quen queirades.
ESPERÁMOSVOS!!!!
Ese mesmo día tamén ofrecemos un espazo de información e acompañamento onde calquera familia, independentemente do momento do proceso no que se atope, poderá facer calquera consulta ou resolver calquera dúbida. O horario de atención é de 10:00 a 14:00 e de 16:00 a 20:00 horas. Precísase solicitar cita previa en manaia@manaia.es ou no 665 992 687.
Lembrade que todos os 1º xoves de cada mes estaremos en Pontevedra.
Actividades de balde abertas a todas as familias adoptivas ou en espera de adopción, sexan ou non socias de MANAIA.
MAGDALENA OTERO MARTÍNEZ
Psicóloga e Terapeuta Familiar. No curso 2009/2010, formou parte da segunda promoción do Postgrao en Acollemento, Adopción e Postadopción da Universidade de Barcelona en convenio coa Ramón Llull.
Desenvolve a súa labor profesional diaria como:
- Co-directora en “Paradoxo”, centro no que, fundamentalmente, realiza unha labor de asesoramento e psicoterapia con familias adoptivas, a través de charlas, cursos, obradoiros e demais accións formativas no eido da adopción, tanto para organismos públicos, privados e asociacións. Aínda que tamén realiza terapia con casos que non están vencellados á adopción, ademais de reeducación escolar.
- Está ao fronte do Departamento de Orientación Educativa nun centro escolar en Vigo, no que se imparten ciclos medios e FPB (Formación Profesional Básica).
- Tamén cómpre destacar a súa experiencia laboral previa nun Centro de Menores.
Un saúdo
A Xunta Directiva