- Este evento ha pasado.
Lugo – Obradoiro: Disciplina Positiva 6/6
16 julio, 2019 @ 17:00 - 19:00
Seguimos cas actividades do «PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS» en Lugo ca sexta e última sesión do obradoiro a cargo de Pilar Rey, sobre:
– DISCIPLINA POSITIVA: EDUCANDO CON AMABILIDADE E FIRMEZA 6/6
Metodoloxía baseada na teoría de Alfred Adler e Rudolf Dreikurs (1920), no ano 1980 Jane Nelson e Lynn Lott escriben un manual de educación para nais e pais. Este modelo educativo axuda aos adultos a entender a conduta inadecuada das nenas e nenos.
Os criterios a ter en conta para unha disciplina positiva son:
– Amabilidade e firmeza ao mesmo tempo (respectuosa e motivadora), sen caer na permisividade e ausencia de límites
– Conexión que axuda as nenas e nenos para ser tidos en conta e sentirse importantes
– Eficaz a longo prazo
– Ensina competencias sociais, respecto, interese polos demais, habilidade para resolver problemas, responsabilidade, participación, colaboración…
– Axuda as nenas e nenos a que desenvolvan as súas habilidades e sexan conscientes delas
Nestes obradoiros tentaremos acadar as habilidades necesarias para poñer en práctica o aprendido sobre Disciplina Positiva.
PILAR REY SUÁREZ
Traballadora social. Terapeuta familiar. Educadora certificada de familias e docentes en Disciplina Positiva pola Positive Discipline Association. Formación en pérdidas, duelo e trauma no Instituto de Psicoterapia Integrativa-Relacional. IPIR. Barcelona. Posgrao en Couseling de duelo e pérdidas (Universidade de Barcelona). Formación en Psicoterapia Sensoriomotor (Sensoriomotor Psychotherapy Institute).
- DATA: 16/07/19
- HORA: 17:00 – 19:00
- LUGAR: Centro de Convivencia Maruja Mallo. Rúa Primavera, 37
Coma sempre podedes convidar a quen queirades.
ESPERÁMOSVOS!!!!
Ese mesmo día tamén ofrecemos un espazo de información e acompañamento onde calquera familia, independentemente do momento do proceso no que se atope, poderá facer calquera consulta ou resolver calquera dúbida. O horario de atención é de 11:00 a 14:00 e de 16:00 a 20:00 horas. Precísase solicitar cita previa en manaia@manaia.es ou no 688 927 124.
Lembrade que todos os 3º martes de cada mes estaremos en Lugo.
Actividades de balde abertas a todas as familias adoptivas ou en espera de adopción, sexan ou non socias de MANAIA.
Un saúdo