24 de Febreiro – Pontevedra – Asemblea Xeral

Dende Manaia convocamos a ASEMBLEA XERAL, a celebrar o sábado 24 de febreiro de 2017, ás 16:30 h. en primeira convocatoria e ás 17:00 h. en segunda, no Salón de Actos do CEIP Manuel Vidal Portela – Avda. Buenos Aires s/n, Pontevedra.

Sabemos que as veces non é doado acudir as nosas actividades pero pedímosvos un esforzo extra nesta ocasión, así a Xunta Directiva entrante poderá escoitar as vosas inquedanzas, as vosas suxestións e, dese xeito, mellorar as actuacións da Asociación.

Leer mais …

24 de Febreiro – Pontevedra – Charla/Coloquio “Racismo e Escola”

O sábado 24 de febreiro ás 11:30 horas MANAIA organiza a charla/coloquio: “RACISMO E ESCOLA”, a cargo da Equipa de Educación da Asociación (formada por Águeda, Chus e Cris),no Salón de Actos do CEIP Manuel Vidal Portela – Avda. Buenos Aires s/n, Pontevedra.

Diferentes estudos realizados amosan que 7 de cada 10 nenas e nenos adoptados sofren agresións racistas na escola e, en moitas ocasións, nin as familias nin os docentes son coñecedores das mesmas. O medo ou a vergoña fai que nalgúns casos non se atrevan a contalo.

Son as familias as que normalmente dan a voz de alarma e se poñen en contacto co centro escolar para frear estas situacións e protexer aos menores. ¿Como actuar?

¿Como podemos axudar aos nosos fillos e fillas nestes casos?

¿Que ferramentas podemos ofrecerlles?

¿Existen protocolos a seguir no eido escolar?

Leer mais …

15 de Febreiro – Santiago – Obradoiro “A influencia das túas experiencias pasadas, na relación co teu/túa fillo/a adoptado/a”

Continuamos cas actividades do “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS” en Vigo ca primera sesión do obradoiro a cargo de Nuria Lago, sicóloga de Paradoxo, sobre:

– A influencia das túas experiencias pasadas, na relación co teu/túa fillo/a adoptado/a 1/3

  • Cales son as nosa cualidades como nais e pais?.
  • Cales son as situación nas que me sinto máis incómodo ou seguro ca miña filla ou fillo?
  • Algún tema ou vivencia pasada miña está a interferir na nosa relación actual?.
  • Poden as nosas experiencias pasadas negativas ou traumáticas, se non están totalmente elaboradas, influir e condicionar a relación e o vínculo cas nosas fillas e fillos?
  • Neste obradoiro tentaremos buscarlle respostas a estas inquedanzas.

DATA: 15/02/18
HORA: 17:00 – 19:00
LUGAR: CASA DAS ASOCIACIÓNS DE BENESTAR SOCIAL. Rúa Manuel María, nº 6

Coma sempre podedes convidar a quen queirades.

ESPERÁMOSVOS!!!!

Leer mais …

6 de Febreiro – Ourense – Obradoiro “Disciplina Positiva: educando con amabilidade e firmeza”

Prezadas persoas socias,
seguimos cas actividades do “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS” en Ourense ca primeira sesión, de tres, do obradoiro a cargo de Pilar Rey, sobre:

– Disciplina Positiva: educando con amabilidade e firmeza

DATA: 6/02/18
HORA: 17:00 – 19:30
LUGAR: Sala 4. Centro Cívico A Ponte. Rúa Eulogio Gómez Franqueira nº 43. Ourense

Metodoloxía baseada na teoría de Alfred Adler e Rudolf Dreikurs (1920), no ano 1980 Jane Nelson e Lynn Lott escriben un manual de educación para nais e pais. Este modelo educativo axuda aos adultos a entender a conduta inadecuada das nenas e nenos.

Leer mais …

21 de Decembro – Santiago – Que temos e que queremos das actividades do PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS?

Seguimos cas actividades do “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS” en Santiago cun coloquio sobre:

– Que temos e que queremos das actividades do PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS?

Levamos un ano poñendo en marcha o “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS e pensamos que é hora de analizar o feito e falar do que esperamos del para o 2018, e ninguén mellor que as persoas que vides as actividades para facelo.

  • Son os espacios e os horarios axeitados?
  • En que temas estamos interesadas?
  • Que tipo de actividade e a mellor: obradoiro, charla, coloquio?
  • Poderíamos montar un GAM (Grupo de Axuda Mutua)?

Estas e todas as cuestións que se vos pasen pola cabeza poderémolas falar nesta actividade. Non o perdades, lembrade que: “Se queres ir rápido, camiña só; pero se queres chegar lonxe, camiña acompañado” (proverbio africano)

DATA: 21/12/17
HORA: 17:30 – 19:30
LUGAR: CASA DAS ASOCIACIÓNS DE BENESTAR SOCIAL. Rúa Manuel María, nº 6

Coma sempre podedes convidar a quen queirades.

ESPERÁMOSVOS!!!!

Leer mais …