24 de Novembro – Ferrol – Charla/Coloquio: “Privilexio Branco, Cara á transformación dunha sociedade antirracista”

A cargo de CARI McCAY.-

Filla adoptiva de orixe guineano e afroamericano. Vive en Barcelona onde foi adoptada por una familia catalana no 1976.

Traballadora Social (especializada en saúde mental) pola Universidade Brunel de Londres, onde traballou durante varios anos en Centros de Saúde Mental. Actualmente traballa nun servizo de mediación en temas de vivenda.

Dende fai anos adícase a impartir charlas, conferencias e obradoiros coa fin de educar e compartir experiencias con todas aquelas persoas que, dun xeito ou outro, están relacionadas ca adopción.

CHARLA/COLOQUIO

– 11:30 a 14:00 Salón de actos

Porqué fálase tanto do privilexio branco? Que é? Nesta charla teremos a oportunidade de coñecer e debater sobre o modo en que a sociedade favorece a uns e discrimina a outros. As vivencias e experiencias das persoas que non pertencen á maioría son a miúdo silenciadas ou descartadas. Como axudamos aos nosos fillos para vivir nun mundo que é cada día máis complexo?

XANTAR/PICNIC

– 14:30 a 16:30 Centro Cívico de Canido

Ao remate da charla, como vén sendo habitual en MANAIA, faremos un Xantar/Picnic onde compartiremos os alimentos que cada quen teña a ben levar (tendes que traer todo: o xantar, a bebida, o menaxe e, se vos apetece, o café).

OBRADOIROS PRIVILEXIO BRANCO

– 16:30 a 17:30 – INFANTO XUVENIL Salón de actos

– 17:30 a 19:30 – PARA FAMILIAS Salón de actos

Contando coa dirección de Cari plantexamos estes obradoiros onde tentar darlle respostas ás diferentes cuestións que nos plantexa o privilexio branco, dende a perespectiva das nenas e nenos adoptados e dende a das familias.

Leer mais …

22 de Novembro – Ferrol – Obradoiro “Adopción e sentimento de pertenza”

Seguimos cas actividades do “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS” en Ferrol con este interesante obradoiro a cargo de Dolores Bouza Vidal, sicóloga e nai adoptiva, que leva por título:

– Adopción e sentimento de pertenza

Neste obradoiro trataremos de revisar as nosas expectativas e prioridades coa finalidade de que os nosos fillos se sintan valiosos e apreciados.

DATA: 22/11/18
HORA: 17:00 – 19:00
LUGAR: Centro Cívico de Canido. Poeta Pérez Paralle, s/n – 15401

Coma sempre podedes convidar a quen queirades.

ESPERÁMOSVOS!!!!

Leer mais …

21 de Novembro – Pontevedra – Obradoiro “Pasado, presente e futuro da miña filla/o adoptada/o 3/3”

Continuamos cas actividades do “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS” en Pontevedra ca segunda sesión dun obradoiro, composto por tres, a cargo do psicólogo Eduardo Barca sobre:

– Pasado, presente e futuro da miña filla/o adoptada/o 23/3

3º sesión. Futuro: Medos e ilusións; O qué lle espera; o que nos espera…

  • Medos e preocupacións
  • Ilusións e expectativas
  • Anticipándose ao futuro dende o presente

DATA: 21/11/18
HORA: 17:00 – 19:00
LUGAR: Casazul: Sala Valdecorvos. Andar 2. Rúa de Sor Lucía, 2. Pontevedra

Coma sempre podedes convidar a quen queirades.

ESPERÁMOSVOS!!!!

Leer mais …

20 de Novembro – Lugo – Obradoiro “Cómo, porqué e para qué nos comunicamos cas nosas fillas e fillos adoptados dende a infancia ata a adolescencia 3/3”

Seguimos cas actividades do “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS” en Lugo ca primeira sesión dun obradoiro, composto por tres, a cargo da psicóloga Leticia F. Rivero sobre:

– Cómo, porqué e para qué nos comunicamos cas nosas fillas e fillos adoptados dende a infancia ata a adolescencia

Sesión 3/3 “Intelixencia emocional na comunicación”

  •  Granulidade emocional
  • Comunicación na adopción e nas familias adoptivas

DATA: 20/11/18
HORA: 17:00 – 19:00
LUGAR: Centro de Convivencia Maruja Mallo. Rúa Primavera, 37

Coma sempre podedes convidar a quen queirades.

ESPERÁMOSVOS!!!!

Leer mais …

15 de Novembro – Santiago – Obradoiro: “O mundo dixital como referencia hoxe: o lugar de nais/pais na educación”

Seguimos cas actividades do “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS” en Santiago ca primeira sesión, de tres, dun interesante obradoiro a cargo da psicóloga Cristina Martínez Bernárdez, membro de ASEIA:

O MUNDO DIXITAL COMO REFERENCIA HOXE: O LUGAR DE NAIS/PAIS NA EDUCACIÓN

A evolución dunha sociedade é necesaria e inquietante a partes iguais, dende o plano máis biolóxico, ó máis tecnolóxico. É traballo das/os axentes educativos achegarnos para comprender estes cambios e poder traballalos, dende unha intervención comunitaria.

Nos últimos 20 anos algunhas dinámicas familiares víronse sacudidas, invadidas ou incluso substituídas, por novos axentes educacionais, que con especial forza nos últimos anos ocupan lugares de referencia que noutros tempos eran traballo das institucións, como a escola, a familia ou o propio estado.

Para poder xerar alternativas máis alá da represión ou a permisividade, será necesario ollar e entender a relación das/os nenas/os e adolescentes coas novas tecnoloxías dende o seu lugar.

As liñas de traballo básicas plantexadas son:

  • Elaborar o salto xeracional que se da nas familias no emprego das novas tecnoloxías
  • Entender que lugares de referencia se deben asumir como nais/pais
  • Coñecer os límites e concesións que estamos dispostos a poñer e cumplir no día a día
  • Medos, fantasías, proxeccións e realidades do mundo virtual
  •  As novas tecnoloxías, ¿novos modelos de conductas aditivas?

 

DATA: 15/11/18
HORA: 17:00 – 19:00
LUGAR: CASA DAS ASOCIACIÓNS DE BENESTAR SOCIAL. Rúa Manuel María, nº 6

Coma sempre podedes convidar a quen queirades.

ESPERÁMOSVOS!!!!

Leer mais …