Estamos rediseñando a web (tende paciencia .... :-)). Para acceder á área de membros da web anterior prema eiquí

14 de Novembro – A Coruña – Obradoiro “Sácame das miñas casiñas”

Seguimos cas actividades do “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS” en A Coruña cun obradoiro a cargo de Elena Borrajo, sicóloga doCentro Alén, sobre:

– Sácame das miñas casiñas

Os retos educativos por si mesmos son suifcientes para que moitos adultos, papás e mamás, perdan os nervios ante o día a día. Unha contorna esixente, en canto a horarios, actividades, rendemento, etc., non acaba de axudar. Se lle sumamos a realidade de moitos nenos que foron adoptados e que poden necesitar de máis axuda para conseguir o mesmo que o resto, a mestura é explosiva. Con todo, as familias habemos de ser o termostato que manteña o nivel de temperatura das nosas crianzas. Se o noso salta polo aire é previsible que o seu termostato, aquel que lle fai permanecer acougado, xamais funcione correctamente.
Como logralo se non son un monxe budista? Como manterme sereno cando vivo nun trafego continuo?

Lonxe de ofrecer respostas máxicas imos, neste obradoiro, reflexionar e ver se somos quen de facer algo para manternos en calma ante a paternidade, que facer, ante que cousas son máis vulnerable, etc…

DATA: 14/11/17
HORA: 17:00 – 19:00
LUGAR: Centro cívico San Diego. Sala 1. Parque de San Diego, Rúa Alberto García Ferreiro, S/N, 15006 A Coruña

Coma sempre podedes convidar a quen queirades.

ESPERÁMOSVOS!!!!

Leer mais …

9 de Novembro – Vigo – Obradoiro “Adolescencia, adopción e comunicación III”

Seguimos cas actividades do “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS” en Vigo ca terceira sesión do obradoiro a cargo de Ana Sieiro, sicóloga de Achega, sobre:

– Adolescencia, adopción e comunicación III

A adolescencia é unha oportunidade para acompañar aos rapaces e rapazas nun dos momentos máis interesantes da súa vida. É un momento de despertar á conformación da persoa adulta e absolutamente diferenciada en que se convertirá o noso fillo ou filla.

Falaremos tamén sobre a importancia dese despertar á concepción que supón o feito de ser persoa adoptada, e como un cerebro adolescente é quen de integrar esa parte da súa identidade e cales son os riscos que como familias debemos ter en conta.

A comunicación é outro dos aspectos fundamentais á hora de relacionarnos cos nosos fillos ou fillas adolescentes, e equilibrar a balanza autonomía e responsabilidade un dos retos máis importantes de conseguir.

DATA: 09/11/17
HORA: 19:00 – 21:00
LUGAR: Oficina 7. Areal, 138. Vigo

Coma sempre podedes convidar a quen queirades.

ESPERÁMOSVOS!!!!

Leer mais …

7 de Novembro – Ourense – Obradoiro “Introdución á Disciplina Positiva”

Seguimos cas actividades do “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS” en Ourense cun obradoiro a cargo de Pilar Rey Suárez. sobre:

– Introdución á Disciplina Positiva

A Disciplina Positiva é unha metodoloxía baseada na teoría de Alfred Adler e Rudolf Dreikurs. Este enfoque non inclúe nin o control excesivo nin a permisividade. Baséase no respecto mutuo e a colaboración, trátase de que podamos ensinar aos nosos fillos/as competencias básicas para a vida, de axudar aos pais e nais a entrar no mundo dos nenos/as e descubrir o que funciona e o que non.

Coa Disciplina Positiva buscamos alternativas ao castigo e está orientada ás familias que busquen habilidades de ensino a longo prazo, que queiran que os seus fillos/as poidan pensar por se mesmos/as, que sexan máis responsables e teñan máis respecto por se mesmos/as e polos/as demais.

DATA: 07/11/17
HORA: 17:00 – 19:30
LUGAR: Sala 4. Centro Cívico A Ponte. Rúa Eulogio Gómez Franqueira nº 43. Ourense

Coma sempre podedes convidar a quen queirades.

ESPERÁMOSVOS!!!!

Leer mais …

2 de Novembro – Pontevedra – Obradoiro “Como achegarse e educar ao teu fillo/a adoptado/a” (3 de 3)

Continuamos cas actividades do “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS” en Pontevedra ca terceira parte, de tres, do obradoiro a cargo de Magdalena Otero, sicóloga de Paradoxo, sobre:

– Como achegarse e educar ao teu fillo/a adoptado/a

Ao longo de este obradoiro de dúas horas, levaranse a cabo diferentes dinámicas que permitirán aos asistentes adquirir certos coñecementos e habilidades sobre a adolescencia dos adoptados e diferentes ferramentas que lles permitan traballar cos seus fillos/as dende a proximidade afectiva. Os aspectos a tratar serán os seguintes:

  • Fitos característicos da adolescencia e da adolescencia do adoptado
  • Funcións dos pais e nais dos adoptados adolescentes
  • Estratexias e ferramentas útiles para a educación dos fillos adolescentes.

DATA: 02/11/17
HORA: 17:30 – 19:30
LUGAR: Casazul: Sala Valdecorvos. Andar 2. Rúa de Sor Lucía, 2. Pontevedra

Coma sempre podedes convidar a quen queirades.

ESPERÁMOSVOS!!!!

Leer mais …

28 de Outubro – Santiago – Charla/Coloquio “A reparación psiconeurobiolóxica do apego en nenas/os adoptadas/os a través de relacións significativas”

Temos o pracer de presentarvos outra actividade de sábado do “Programa de preparación, apoio e acompañamento ás familias adoptivas” que terá lugar no Centro Sociocultural José Saramago de VITE en Santiago de Compostela o vIndeiro sábado 28 de octubro co título:

A reparación psiconeurobiolóxica do apego en nenas/os adoptadas/os a través de relacións significativas

Teremos unha charla / coloquio pola maña e despois de comer (levaremos a comida de casa e comeremos alí) faremos un taller.

Leer mais …