Comunicámosvos que puxemos a rodar 7 grupos de WhatsApp, un por cada cidade onde estamos a poñer en marcha o “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS”. A intención é contar cun medio de comunicación rápido e directo onde compartir as novas sobre as actividades que realizamos en cada unha destas cidades, así como a organización dos propios grupos (tipo de actividades, temáticas, horarios, lugares…)

Se queredes pertencer a algún destes grupos mandádenos unha mensaxe, por privado, co voso nome e o voso teléfono, e cal é a vosa condición adoptiva, indicando en que grupo, ou grupos, queredes que vos incluamos.

Os grupos son A Coruña, Ferrol, Lugo, Ourense, Pontevedra, Santiago e Vigo.

Estes grupos están abertos a todas as familias adoptivas ou en espera de adopción, sexan ou non socias de MANAIA.

Animádevos a crear rede adoptiva!!!!