Estamos rediseñando a web (tende paciencia .... :-)). Para acceder á área de membros da web anterior prema eiquí

Grupos de WhatsApp de Manaia

Comunicámosvos que puxemos a rodar 7 grupos de WhatsApp, un por cada cidade onde estamos a poñer en marcha o “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS”. A intención é contar cun medio de comunicación rápido e directo onde compartir as novas sobre as actividades que realizamos en cada unha destas cidades, así como a organización dos propios grupos (tipo de actividades, temáticas, horarios, lugares…)

Leer mais …

10 de Xullo – A Coruña – Pasado, presente e futuro da miña filla/o adoptada/o 3/3

Seguimos cas actividades do “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS” en A Coruña ca terceira e última sesión dun obradoiro, composto por tres, a cargo do psicólogo Eduardo Barca sobre:

– Pasado, presente e futuro da miña filla/o adoptada/o 3/3

3º sesión. Futuro: Medos e ilusións; O qué lle espera; o que nos espera…

  • Medos e preocupacións
  • Ilusións e expectativas
  • Anticipándose ao futuro dende o presente

DATA: 10/07/18
HORA: 17:00 – 19:00
LUGAR: Centro cívico San Diego. Sala 1. Parque de San Diego, Rúa Alberto García Ferreiro, S/N, 15006 A Coruña

Coma sempre podedes convidar a quen queirades.

ESPERÁMOSVOS!!!!

Leer mais …

5 de Xullo – Pontevedra – Obradoiro “Adolescencia, adopción e comunicación III”

Seguimos cas actividades do “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS” en Pontevedra con este interesante coloquio a cargo da equipa de educación de Manaia:

– Adopción e escola

O día a día na escola:

  • A importancia do grupo-clase
  • Dentro e fóra da aula
  • As tarefas escolares en casa
  • Exames e horas de estudio
  • Comunicación fluida familia-escola
  • Materiais e recursos para profes

Neste obradoiro compartiremos estas e outras inquedanzas e entre todas sumaremos ideas, estratexias… que favorezan o bo desenvolvemento das nosas fillas e fillos no entorno escolar para o vindeiro curso.

DATA: 05/07/18
HORA: 17:30 – 19:30
LUGAR: Casazul: Sala Valdecorvos. Andar 2. Rúa de Sor Lucía, 2. Pontevedra

Coma sempre podedes convidar a quen queirades.

ESPERÁMOSVOS!!!!

Leer mais …

3 de Xullo – Ourense – Acompañar o proceso madurativo das nenas e nenos desde a práctica psicomotriz vivenciada

Seguimos cas actividades do “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS” en Ourense con este interesante obradoiro a cargo da pedagoga Eva Gómez:

– Acompañar o proceso madurativo das nenas e nenos desde a práctica psicomotriz vivenciada

A través desta proposta, trataremos de realizar un achegamento aos procesos de desenvolvemento do neno/a, do seu percorrido vital para facerse persoa desde o corpo e a orixinalidade desta práctica, que fai dela unha vía privilexiada de entendemento e axuda ao neno/a.

O neno/a constrúese a partir do corpo, e o medio a través do cal aprende, comunícase, coñece o entorno e a si mesmo. Nos 6/7 primeiros anos de vida, o neno/a constrúe a base fundamental na que se xesta a expresividade das emocións e dos afectos primarios, confórmase o corpo e as súas manifestacións, cando se pon a base para todo o desenvolvemento posterior e a formación da súa personalidade.

Este proceso de construción da identidade é complexo e nel poden xurdir dificultades motivadas por múltiples factores, sendo unha das posibles causas que no momento de chegar a este mundo, o bebé non tivera un outro axustado a satisfacer as súas necesidades orgánicas e afectivas, un outro que o sostivera e o envolvera que o protexera. Esta relación de dependencia inicial, sitúa as vivencias corporais dos nenos/as, nun primeiro plano do desenvolvemento.

Desde a Práctica Psicomotriz Vivenciada, trátase de entender a maneira específica que cada neno e nena ten de manifestar a súa estrutura somática, afectiva e cognitiva a través da súa expresividade motriz a cal nos falará das pegadas que a súa historia deixou no seu ton corporal, no seu eixe, no seu equilibrio, no seu sorriso, ritmo, curiosidade e desexo
de acción.

DATA: 03/07/18
HORA: 17:00 – 19:30
LUGAR: Sala 4. Centro Cívico A Ponte. Rúa Eulogio Gómez Franqueira nº 43. Ourense

Leer mais …

30 de Junio – Vigo – Diálogo cas familias adoptivas

Temos o pracer de presentarvos outra actividade máis de sábado do “Programa de preparación, apoio e acompañamento ás familias adoptivas” que terá lugar no ZOOVIGO en Vigo o vindeiro sábado 30 de xuño co título:

DIÁLOGO CÁS FAMILIAS ADOPTIVAS

Presentación do libro “Siete vidas tiene un gato”

A cargo de JOSÉ ÁNGEL GIMÉNEZ ALVIRA
pai adoptivo, psicólogo xubilado e autor do libro “Indómito y Entrañable”. Traballou en temas de acollemento e adopción no Goberno de Aragón.

e CARMEN JULVE
Nai adoptiva, pedagoga e profesora da Facultade de Educación da Universidade de Zaragoza. Ten investigado en temas de pedagoxía Social. Actualmente xubilada.

Leer mais …

19 de Junio – Lugo – Pasado, presente e futuro da miña filla/o adoptada/o 2/3

Seguimos cas actividades do “PROGRAMA DE PREPARACIÓN, APOIO E ACOMPAÑAMENTO ÁS FAMILIAS ADOPTIVAS” en Lugo ca segunda sesión dun obradoiro, composto por tres, a cargo do psicólogo Eduardo Barca sobre:

– Pasado, presente e futuro da miña filla/o adoptada/o 2/3

2º sesión. Presente: As capacidades, as potencionalidades e as limitacións da nena ou neno.

  • Identificando os recursos e as estratexias
  • Potenciando novas habilidades
  • Manexando as limitacións e dificultades

DATA: 19/06/18
HORA: 17:00 – 19:00
LUGAR: Centro de Convivencia Maruja Mallo. Rúa Primavera, 37

Coma sempre podedes convidar a quen queirades.

ESPERÁMOSVOS!!!!

Leer mais …